Hornets tambak sa Blazers
PORTLAND, Ore. — Kumonekta si Anfernee Simons ng limang three 3-points at tumapos na may 25 points sa 141-88 pagtambak ng Trail Blazers sa Charlotte Hornets.
Ipinoste ng Portland (24-33) ang pinakamalaking blowout victory sa kanilang team history.
Ang nasabing 53-point margin ang nagbasura sa naunang franchise record na 50 markers sa kanilang 129-79 home victory kontra sa Cleveland Cavaliers noong Nobyembre 21, 1982.
Nagdagdag si Toumani Camara ng 20 points, 10 rebounds, 6 assists at 2 blocks at may tig-20 markers sina Shaedon Sharpe at Jabari Walker.
Binanderahan ni Miles Bridges ang Charlotte (14-41) sa kanyang 17 points habang may 14 markers si Nick Smith Jr. at kumolekta si Jusuf Nurkic ng 11 points, 8 rebounds at 5 assists.
Sa Denver, bumanat si Luka Doncic ng 32 points sa 123-100 paggupo ng Los Angeles Lakers (34-21) sa Nuggets (37-20).
Nag-ambag si LeBron James ng 25 points sa pagpigil ng Los Angeles sa nine-game winning run ng Denver habang may 23 at 21 markers sina Austin Reaves at Rui Hachimura, ayon sa pagkakasunod.
Sa Salt Lake City, umiskor si Keyonte George ng 30 points at nagtala si Lauri Markkanen ng 23 points at 10 rebounds sa 124-115 pagdaig ng Utah Jazz (14-42) sa Houston Rockets (35-22).
Sa Philadelphia, ipinasok ni Nic Claxton ang isang game-winning tipin sa 105-103 pagtakas ng Brooklyn Nets (21-35) sa 76ers (20-36).
Sa Chicago, tumirada si Devin Booker ng 29 points habang may 27 points si Kevin Durant at 25 markers si Bradley Beal sa 121-117 pagtusta ng Phoenix Suns (27-29) sa Bulls (22-35).
- Latest
