Tiongson pasikat agad sa E-Painters
![Tiongson pasikat agad sa E-Painters](https://media.philstar.com/photos/2024/08/20/pba_2024-08-20_21-18-02.jpg)
MANILA, Philippines — Maganda ang panimula ng Rain or Shine sa PBA Season 49 Governors’ Cup matapos patumbahin ang Blackwater, 110-97, kahapon sa Smart Araneta Coliseum.
Humakot si balik-import Aaron Fuller ng 24 points at 19 rebounds para sa 1-0 baraha ng Elasto Painters na nakahugot kay 2024 No. 7 pick Caelan Tiongson ng 15 markers.
“We know Caelan how he plays. The only apprehension about Caelan’s game was that he was not playing for the last two year,” ani coach Yeng Guiao kay Tiongson. “He retired actually. So he’s just coming out of retirement. But we took a chance on him and it’s paying off really well.”
Nagdagdag si Leonard Santillan ng 12 points na lahat ay galing sa three-point line habang may 11 at 10 markers sina rookie Felix Lemetti at Gian Mamuyac, ayon sa pagkakasunod.
Pinamunuan ni No. 2 overall pick Sedrick Barefield ang Bossing sa kanyang 18 points.
Kinuha ng Rain or Shine ang 21-point lead, 83-62 sa pagsasara ng third quarter na naputol ng Blackwater sa 78-90 sa pagbibida ni Kwekuteye.
Huling nakalapit ang Bossing sa 92-102 mula sa basket ni Troy Rosario sa dulo ng fourth quarter habang ang dalawang tres nina Anton Asistio at Luis Villegas ang muling naglayo sa E-Painters sa 108-93 sa 1:08 minuto ng laro.
Samantala, itatampok ng Terrafirma ang mga bagong hugot na sina dating Ginebra mainstays Christian Standhardinger at Stanley Pringle sa pagharap sa Converge ngayong alas-5 ng hapon sa Big Dome
Sasagupain naman ni eight-time PBA MVP June Mar Fajardo at ng San Miguel ang Phoenix sa alas-7:30 ng gabi.
- Latest