Gagate, Coronel bibida sa PVL Rookie Draft
MANILA, Philippines — Babanderahan nina Alas Pilipinas standouts Thea Gagate at Julia Coronel ang 45 pang aspirante sa kauna-unahang Premier Volleyball League (PVL) Rookie Draft ngayong gabi sa Novotel sa Cubao, Quezon City.
Ang Zus Coffee ang hihirang sa No. 1 overall pick kasunod ang Capital1 Solar Energy (No. 2), Galeries Tower (No. 3), Farm Fresh (No. 4), Nxled (No. 5), Akari (No. 6), Cignal (No. 7), PLDT (No. 8), Chery Tiggo (No. 9), Petro Gazz (No.10), Choco Mucho (No. 11) at reigning All-Filipino Conference champion Creamline (No.12) base sa idinaos na lottery draw.
Ang Thunderbelles din ang unang pipili sa second round habang ang Solar Spikers, Highrisers at Foxies ang huhugot sa No. 14, 15 at 16, ayon sa pagkakasunod.
Ang 6-foot-2 middle blocker na si Gagate ang tiyak nang kukunin ng Zus, ayon kay coach Jerry Yee na nakatutok din sa kanilang second round pick.
Magkasama sina Gagate at Coronel sa Alas Pilipinas na yumukod sa Vietnam sa knockout quarterfinals ng 2024 FIVB Women’s Challenger Cup.
Mula sa 50 aplikante ay 47 ang natira matapos ang deliberation at screening.
Inaasahan ding makukuha sa first round sina outside hitter Maicah Larroza at middle blocker Leila Cruz, opposite spiker Pierre Abellana at outside hitters Lucille Almonte at Ishie Lalongisip at veteran Iris Tolenada.
Nasa listahan din sina AA Adolfo, Nikka Yandoc, Angge Alcantara, Karen Verdeflor, Sharya Ancheta, Abi Goc, Jewel Encarnacion, Stephanie Bustrillo, Dara Nieva, Jenina Zeta, Dea Villamor, Roma Mae Doromal. Daisy Melendres, Bay Anne de Leon, Dodee Batindaan, Robbie Mae Matawaran, Lorraine Pecana, Donnalyn Paralejas, Charmina Dino, Catherine Almazan, Camille Belaro, Maxinne Tayag, Lalaine Arizapa, Jewelle Bermillo, Razel Aldea, Sandra Dayao, Lovely Zapf at Lian Macasiray.
Sumalang ang mga aspirante sa two-day Draft Combine noong Hunyo 25-26 sa Gameville Ballpark sa Sheridan, Mandaluyong na nilahukan rin ng mga free agents.
- Latest
