Mitchell dinala ang Cavs sa East semis

CLEVELAND — Bumanat si Donovan M­itchell ng 39 points para banderahan ang Cavaliers sa 106-94 pagsibak sa Orlando Magic sa Game Seven para magmartsa sa Eastern Conference semifinal round.

Nagdagdag si Caris LeVert ng 15 markers para sa 4-3 pagligpit ng Cleveland sa Orlando sa kanilang first-round playoff series at lalabanan ang Boston Celtics sa semifinals.

“We didn’t come in just to win the first round. We accomplished one goal, now we have to do it again. That’s the mindset,” sabi ni Mitchell.

Bumangon ang Cavs mula sa isang 18-point deficit sa first half sa pangunguna ni Mitchell na umiskor ng 50 points sa kanilang kabiguan sa Magic sa Game Six.

Humakot si Evan Mob­ley ng 16 rebounds para sa Cleveland habang nagsalpak si Darius Garland ng krusyal na three-pointer sa dulo ng fourth period.

Tumapos si Paolo Banchero ng 38 points at 16 rebounds para pangunahan ang Orlando, samantalang nagtala sina Franz Wagner at Jalen Suggs ng pinagsamang 3-of-28 field goal shooting.

Kinuha ng Magic ang 53-43 halftime lead bago nakabawi ang Cavaliers para agawin ang 85-77 kalamangan sa fourth quarter.