Lady Bulldogs ‘di kinaya ang Tigresses

MANILA, Philippines — Sumalo sa tuktok ng liderato ang University of Santo Tomas matapos kalmutin ang 25-19, 25-23, 25-22 panalo laban sa National University sa UAAP Season 86 women’s volleyball tournament na nilaro sa SM Mall of Asia Arena sa Pasay City kahapon.

Kumana si Cassie Carballo ng anim na puntos mula sa apat na service aces at dalawang blocks kasama ang 20 excellent sets para sa España-based squad.

Nagtala rin sina ace spikers Angeline Poyos ng 16 points, Reg Jurado ng 12 markers at Jonna Perdido ng 12 puntos.

Pakay ng Golden Tigresses na sakmalin ang pangala-wang sunod na panalo sa pagharap nila sa University of the East Lady Warriors sa alas-4 ng hapon sa Miyerkules sa Smart Araneta Coliseum.

Sa unang laro sinuwag ng Far Eastern University Lady Tamaraws sa tatlong sets ang University of the Philippines Lady Maroons, 25-23, 25-21, 25-18.

Tumikada si Tin Ubaldo ng pitong puntos at 14 ex-cellent sets upang ilista ang unang panalo ng Lady Ta-maraws at sumalo sa tuktok ng team standings.

Bukod sa panalo, binig-yan ng Lady Tamaraws si interim coach Manolo Re-fugia Jr., ng winning debut.

Bumakas din si Gerzel Petallo sa opensa para sa FEU matapos magtala ng game-high 16 points mula sa 12 attacks at four blocks habang nag-ambag si Che-nie Tagaod ng 12 points lahat galing sa spikes.