Mikee Mojdeh ayaw paawat sa Bangkok

BANGKOK, Thailand - Muling nagpasik­lab si Mikhael Jasper ‘Mi­kee’ Mojdeh matapos sumisid ng gintong medalya sa 2024 Asian Open School Invitational (AOSI) Aqua­tics Championships sa Assumption University Aquatic Center (ABAC) sa Suvarnabhumi Campus dito.

Naglista ang Imma­cu­late Heart of Mary College-Parañaque standout ng matikas na isang mi­nuto at 24.34 segundo upang masiguro ang unang puwesto sa boys’ 8-year 100m backstroke event.

Nilunod ni Mojdeh si­na Anand Chinziong ng Mongolia na nagkasya sa pilak tangan ang malayong 1:36.08 at Nittipong Kongkyot ng host Thailand na nagsumite ng 1:37.06 para sa tanso.

“It is my first gold me­dal in international tournament and I am happy to win it in a strong field like this,” wika ni Mojdeh.

Sinikwat ni Mojdeh ang kanyang ikalawang  ginto sa 50m backstroke sa isinumite niyang 37:70 tiyem­po.

May limang medalya na si Mojdeh.

Humirit din si Mojdeh ng pilak sa 50m freestyle at tanso sa 50m breaststroke at bahagi ito ng nakatanso sa 4x50m medley relay.