World Cup stint mahalaga sa South Sudan

MANILA, Philippines — Mas malaki pa sa basketball ang paglalaro ng South Sudan sa 2023 FIBA World Cup.

Bagama’t unang sabak pa lang sa World Cup, malayo na agad ang naabot ng South Sudan lalo na sa pagbibigay ng inspirasyon sa kanilang bansa sa pamamagitan ng basketball.

“Through basketball, we use that vessel for peace and changing the narrative in the country. Everybody is watching us so they come together, they unite,” ani head coach Royal Ivey na dati ring player at ngayon ay assistant coach sa Houston Rockets sa NBA.

“And through basketball, we share the vision of camaraderie, friendship, love, sportsmanship and togetherness. That’s what my players emulate e­veryday when they step out on the court,” dagdag nito.

Noong 2011 lamang naging independenteng bansa ang South Sudan at sa nakaraang anim na taon lang unang sumali sa international stage dahil sa mga kaguluhan sa bansa nito bago mabuhayan sa pag-akyat sa World Cup sa unang pagkakataon.

Kasabay din nito ang pag-iskor ng South Sudan ng unang panalo kontra sa China, 89-69, sa Group B ng 32-team World Cup.

At hindi man nakapasok sa susunod na round hawak ang 1-2 kartada matapos ang 101-96  overtime loss sa Puerto Rico at 115-83 talo sa Serbia ay malaking bagay na para sa South Sudan na mapag-isa ang kanilang bansa dahil sa basketball.

“Whenever the basketball team plays, it’s lite­rally the one time when everybody comes together. There are no more tribes and everyone is wearing the same flag and that is South Sudan,” ani team captain Kuany Ngor Kuany.

Magpapatuloy ang laban ng South Sudan kontra sa Angola at Gilas Pilipinas sa classification round (17th hanggang 32nd) para sa tsansang masikwat ang nag-iisang tiket ng Africa sa Paris Olympics.