JRU taob sa Mapua
MANILA, Philippines — Mabilis na napatumba ng Mapua University (MU) ang Jose Rizal University (JRU) sa pamamagitan ng 25-14, 25-23, 25-17 demolisyon upang makuha ang ikalawang panalo sa National Collegiate Athletic Association (NCAA) Season 97 women’s volleyball tournament kahapon sa Paco Arena sa Maynila.
Nagsanib-puwersa sina Nicole Ong at Therese Manalo para pamunuan ang opensa ng Lady Cardinals na umangat sa 2-1 baraha.
Kapwa kumana sina Ong at Manalo ng 11 puntos. Gumawa pa si Carla Gaudan ng siyam na hits at walong receptions samantalang kumana si Jonina Fernadez ng pitong puntos.
“I can see the eagerness of the players to win. We’ve been preparing anything possible to defeat our opponents,” ani Mapua head coach Clarence Esteban.
Lumasap naman ang Lady Bombers ng unang kabiguan para bumagsak sa 2-1 baraha.
- Latest
