Stage 1 at 2 bibitawan ngayon

SORSOGON CITY, Philippines — Muling papadyak ang LBC Ronda Pilipinas matapos mawala ng isang taon dahil sa pandemya sa pagsisimula ng 10-stage race ngayong araw at magtatapos sa Marso 20 sa Baguio City.

Pakakawalan ng annual cycling event ang Stage One 12.3-kilome­ter Individual Time Trial sa alas-8 ng umaga kasunod ang Stage Two 59.4km Team Trial sa ala-1 ng hapon sa Provincial Capitol at magta­tapos sa Rampeolas Bou­­levard.

Pag-aagawan ng ka­­buuang 104 riders mula sa 13 teams ang na­kalatag na kabuuang premyong P3.5 milyon kung saan ang P1 milyon ay makukuha ng indi­vidual champion.

Hangad ni reig­ning Ronda king George Oco­ner ang kanyang ikala­wang titulo.

Kasama ni Oconer si 2019 titlist Ronald Oranza sa Navy Standard Insurance.