Excellent Noodles ipaparada sina Barnachea, Morales

MANILA, Philippines — Ipaparada ng Excellent Noodles sina Santy Barnachea at Jan Paul Morales para masilo ang inaasam na korona sa 10-stage LBC Ronda Pilipinas 2022 na magsisimula sa Sorsogon bukas at magtatapos sa Baguio sa Marso 20.

Tatapatan ng mga da-ting Ronda cham­pions, na sina Barnachea, 47 at Morales, 36, ang tikas ng defending champion Navy Standard Insurance na pinamumunuan ni skipper Ronald Oranza at George Oconer.

Si Oconer ang hu-ling kampeon sa Ronda habang si Oranza ay naghari noong 2019.

Makakatuwang nina Barnachea at Morales sa pag-pedal para sa Excellent Noodles sina Ryan Tugawin, Mervin Corpuz, Bonijoe Martin, Joshua Bonifacio at under-23 ri­ders Mar Francis Sudario at Joshua Pascual.