Denden Lazaro may sariling training

MANILA, Philippines — Hindi nagpahuli si dating national team libero Denden Lazaro ng Choco Mucho Flying Titans na may sariling volleyball training sa loob ng kanilang bahay.

Nahinto ang ensayo ng mga professional teams na nasa loob ng NCR plus bubble dahil sa kasalukuyang ipinatutupad na Modified Enhanced Community Quarantine.

Dahil dito, para-paraan ang mga players para manatiling nasa kondisyon ang mga ito sa ginta ng umiiral na quarantine.

Sumali na rin si Lazaro na may ipinakitang sariling estilo sa kanyang post sa Instagram.

Isang wall spike-dig drills ang ipinamalas ni Lazaro na malaki ang maitutulong upang makontrol ang bola sa floor defense.

“Put the work in until it works out,” ayon sa post ni Lazaro na kumpleto ang outfit suot ang kanyang national team shirt na may jersey No. 13. “I realized that practicing inside the house can improve your ball control skills. Thing about it, you have to keep the ball in play within the limited amount of space and keep a steady focus on small target.”

Dahil nasa loob ng bahay, ingat na ingat si Lazaro upang maiwasan makasira ng mga mahahalagang gamit. “Cause if the ball goes flying, things start breaking. I miss playing without having to think of potentially destroying stuff,” aniya pa.