Towns magdo-donate ng $100,000

MINNEAPOLIS — Inihayag kahapon ni Min­nesota Timberwolves star center Karl-Anthony Towns na magdo-donate si­ya ng $100,000 (halos P5 milyon) sa Mayo Cli­nic para sa testing ng COVID-19 virus.

Sinabi ng Minnesota-based medical system na inaasahan nilang makaka­tulong ang donasyon ni Towns sa pagdaragdag ng capacity para sa COVID-19 mula sa 200 tests per day hanggang sa 1,000 per day sa mga su­sunod na linggo.

Kamakalawa ay na­nga­ko rin si Utah Jazz cen­ter Rudy Gobert, ang unang NBA player na nagpositibo sa CO­VID-19, ng $500,000.

Ang $200,000 ay ibi­bigay niya sa mga part-time employees sa arena ng Jazz.

Ilalaan naman niya ang tig-$100,000 sa mga pamilyang apektado ng COVID-19 pandemic sa Oklahoma City.

Bago ang laro ng Jazz at Thunder sa Oklahoma City ay inihayag ang pag­positibo ni Gobert sa nasabing virus.

Ang 100,000 Euros ($111,450) ay ibibigay ni Gobert sa relief efforts sa France para sa mga health care workers at care­gi­vers.

Maraming NBA at NHL teams ang tutulong sa kanilang mga arena em­ployees.