PBAPC Awards ipinagpaliban

MANILA, Philippines — Iniatras ng petsa ng PBA Press Corps ang 2019 Awards Night matapos magdeklara si Pangulong Rodrigo Duterte ng ‘community quarantine’ sa buong Metro Manila dahil sa banta ng coronavirus disease.

Naunang iniskedyul ang event sa Lunes sa Novotel Manila.

Ang nasabing desis­yon ng PBAPC ay para sa kaligtasan ng mga awar­dees, guests at mga mi­yembro ng working press.

Nasa kanilang ika-26 taon at inihahatid ng TV, tampok sa event ang Virgilio ‘Baby’ Dalupan Coach of the Year award na paglalaba­nan nina Leo Austria ng San Miguel at Tim Cone ng Ginebra.

Inihayag ng PBAPC ang first batch ng mga awardees na kinabibila­ngan nina six-time MVP winner June Mar Fajar­do (Order of Merit), CJ Pe­rez (Scoring champion), D-League Finals MVPs (Thirdy Ravena at Hesed Gabo), All-In­ter­view Team (Kiefer Ra­vena, Christian Stand­har­dinger, Vic Manuel, Ar­wind Santos, Beau Bel­ga at coach Yeng Guiao), All-Rookie Team (Perez, Robert Bolick, Javee Mocon, Bobby Ray Parks, Jr. at Abu Tratter) at ang Game of the Season (NLEX vs. NorthPort).