Terrence kinilalang Mr. Quality Minutes ng PBAPC

MANILA, Philippines – Patuloy ang pagtagay ng parangal ni Terrence Romeo ng San Miguel matapos pangalanang bilang Mr. Quality Minutes para sa 2020 PBA Press Corps Awards Night sa Mar­so 16.

Mula sa pagi­ging bona fide starter sa NorthPort at TNT Katropa sa unang bahagi ng kanyang karera, hinagkan ni Romeo ang kanyang role sa Beermen bilang spark mula sa bench patungo sa pagkakasikwat ng natu­rang parangal.

Isang three-time sco­ring champion si Romeo sa kanyang mga da­ting koponan at naging ma­lu­pit na sixth man sa SMB buhat nang lumipat no­ong 2018.

Bilang back-up kina Chris Ross, Alex Cabag­not, Marcio Lassiter, Ar­wind Santos at six-time PBA Most Valuable Pla­yer June Mar Fajardo, gu­mawa ng sariling pa­ngalan si Romeo at na­ging malaking baha­gi ng kampeonato ng Beermen noong 2019 Philippine Cup at Commissioner’s Cup.

Naging Finals MVP pa ang 2013 sixth overall pick noong mid-season conference na siyang pi­­na­kamatamis niyang pa­ra­ngal kaysa sa mga in­di­vi­dual awards niya.

Samantala, babandera naman ang Rookie of the Year na si CJ Perez ng Columbian sa All-Rookie Team kasama sina Abu Tratter ng Alaska, Javee Mocon ng Rain or Shine, Ro­bert Bolick ng NorthPort at Ray Parks, Jr. ng TNT Katropa.

Pinarangalan si Perez bilang 2019 ROY sa 45th PBA ope­ner at Leo Awards noong Linggo sa Smart Araneta Coliseum.

Sa PBAPC Awards ay siya rin ang hihiranging PBA Scoring Champion.

Tinanghal na Game of the Season ang triple overtime do-or-die game ng NorthPort at NLEX sa quarterfinals ng 2019 PBA Governors’ Cup.

Nagwagi ang Batang Pier sa naturang laban upang masilat ang No. 1 team na Road Warriors patungo sa semifinals appearance.

Ito rin ang isa sa highest-rated PBA game na umani ng 1.5 million online views matapos ang 3.5 milyon na na­i­tala sa Game Two ng Go­vernors’ Cup finals sa pagitan ng Ginebra at Me­­ralco.