Prosper gagawing naturalized ng Indonesia

MANILA, Philippines — Pamilyar na import sa katauhan ni Lester Pros­per ang sasandalan ng In­donesia para sa misyon nilang masilat ang Gilas Pilipinas sa darating na 30th Southeast Asian Games.

Kinumpirma ni coach Raj­ko Toroman ang ha­ngad ng Indonesia na ga­wing natura­lized player si Prosper para sa biennial meet na nakatakda sa Nobyembre 30 hanggang Disyembre 11.

Naging import si Prosper ng Columbian Dyip no­­ong 2019 PBA Com­mis­sioner’s Cup.

Naglaro rin siya para sa San Miguel kasama si Dez Wells noong 2019 East Asia League Terrific 12 sa Macau, China kung saan sila pumang-apat sa 12 ball clubs sa Asya.

Sa naturang torneo rin na-scout ni Toroman, da­ting coach ng Gilas Pilipinas, si Prosper.

Pinalitan ni Prosper sa naturang posisyon si Denzel Bowles na dati ring PBA import.

Si Bowles ang naunang ikinunsidera ng Indonesia bilang naturalized player na hindi natuloy.

Hangad ng Indonesia na ma­bigyan ng magandang laban ang Gilas na ma­manduhan ni 21-time PBA champion coach Tim Cone.

Noong 2017 SEA Games sa Malaysia ay ti­nalo ng Gilas ang Indonesia, 94-55, para sa gintong medalya.