Kidd, Hollins kasama na ni Vogel sa Lakers

EL SEGUNDO, Calif. -- Makakasama ni head coach Frank Vogel sa kanyang coaching staff para sa Los Angeles Lakers sina dating NBA mentors Jason Kidd at Lionel Hollins.

Si Kidd, isang Hall of Fame, ang tumayong coach ng Brooklyn Nets at Milwaukee Bucks na sumibak sa kanya noong Enero ng 2018.

Apat na seasons namang iginiya ni Hollins ang Memphis Grizzlies bago lumipat sa Nets na nagpatalsik sa kanya noong Enero ng 2016.

Samantala, sina Phil Handy, Miles Simon, da-ting Lakers guard Mike Penberthy at Quinton Crawford ay tatayo pa ring assistant coaches ni Vogel.

Si Simon ang tanging holdover sa coaching staff ni dating head coach Luke Walton.

Tinapik din ng Lakers sina Greg St. Jean, Dru Anthrop at Jon Pastorek bilang player development coaches.

Sa Memphis, Tennessee, isang European guard ang kinuha ng Grizz-lies para palakasin ang kanilang kampanya sa darating na NBA season.

Pinalagda ng Memphis sa isang multi-year contract ang 24-anyos na si guard Marko Guduric, naglaro ng dalawang seasons para sa Fenerbahce sa Turkey.

Nagtala si Guduric ng average na 9.4 points at may 47.7 percent shooting clip sa three-point range sa paggiya sa Fenerbahce sa 2019 Euroleague Final 4.