2 gintong medalya uli sinagwan ng Philippine Dragonboat

MANILA, Philippines – Dalawang linggo matapos mag-uwi ng gold medals mula sa Singapore, muling nagbigay ng karangalan ang Go For Gold-Philippine Dragonboat sa pagkopo uli ng dalawang ginto mula sa bigating 2019 Beijing International Dragonboat Tournament.

Ang koponang ipinadala ng Philippine Canoe-Kayak Dragonboat Federation ay nanalo sa 500m at 250m small boat open category sa torneong nilahukan ng pinakamahuhusay na under-23 teams sa China.

Nagsumite ang Nationals ng oras na two mi-nutes at 30.85 seconds sa 500m para talunin ang Chinese squads na Dubula (2:39.88) at Beijing Fuxing Dragon Warriors (2:41.12) matapos ang dominanteng panalo sa 200m (1:10.56).

Nauna nang nanalo ang Go For Gold-backed paddlers sa nakaraaang DBS Marina Regatta sa Singapore.

Nakakuha si assistant team captain Ojay Fuentes, nagdiwang ng kanyang  ika-20th kaarawan noong Martes nang manalo ang mga Pinoy, mula kina Archie Baylosis, Kim Gabriel Baylosis, Daniel Ortega at Roberto Pantaleon.

Malaki rin ang naiambag ng humuhusay na paddler na si Norwell Cajes kasama sina Leo Jane Remarim, Jonathan Ruz, John Paul Selencio, Jerome Solis, drummer John James Pelagio at helmsman Christian Burgos.

“Resulta po ito ng lahat ng pagpupursige namin sa training. Gagawin po namin lahat para magtuluy-tuloy ito hanggang sa SEA Games,’’ sabi ni Fuentes.

Impresibo rin ang naging panalo ng national paddlers ng PCKDF, sa Singapore sa kanilang itinalang 1:00.76 para sa gold sa 10-seater premier women’s division 200m  para parisan ang kanilang panalo sa 20-seater mixed category.

“These victories will definitely help boost the confidence of our team going into the SEA Games,’’ sabi ni Go For Gold godfather Jeremy Go.