Torre bumagsak din kay Quizon

MANILA, Philippines — Matapos gulatin si Filipi­no Grand Master Joey An­tonio sa isang blitz match at talunin ang mas na­ka­katandang players sa Na­tional Juniors Championship ay nagpatuloy sa kanyang ratsada ang 14-anyos na si Daniel Qui­zon.

Idinagdag ni Quizon sa kanyang mga biktima ang 67-anyos na si GM Eugene Torre sa Asian Continental Championships sa Xingtai, China noong Sabado ng gabi.

Nakatakdang labanan ni Quizon si No. 13 GM Su­­ri Vaibhav ng India kagabi sa third round ng nasabing tor­neo.

Nauna nang binigo ni Qui­zon si Antonio, 6.5-.5 at isinunod sina IM John Mar­vin Miciano at reigning national juniors’ titlist Jeth Romy Morado sa National Juniors kamakailan.

Noong Marso ay kala­ha­ting puntos na lamang ang kailangan ni Quizon pa­ra makuha ang ikalawa sa tatlong norms na kaila­ngan para maging GM.

Ngunit tumapos siya sa top 20 sa Ninth HD Bank event sa Vietnam.

Si Quizon ang sinasa­bing susunod sa mga ya­pak ni Wesley So, ang tu­bong Bacoor, Cavite na nakabase ngayon sa Uni­ted States at naging World No. 2 noong 2018.