Magic Johnson gusto ng simpleng buhay
LOS ANGELES — Tila mas masaya si Magic Johnson kung wala siya sa opisina.
Nagbitiw kahapon si Johnson bilang Lakers’ president of basketball operations matapos ang dalawang taon sa kanyang puwesto para bumalik sa mas simpleng buhay.
“I want to go back to having fun,” wika ni Johnson habang pinipigilan ang pagtulo ng kanyang mga luha. “I want to go back to being who I was before taking on this job. We’re halfway there with LeBron coming (last summer).”
Hindi sinabi ni Johnson kina team owner Jeanie Buss at general manager Rob Pelinka ang kanyang desisyon halos 90 minuto bago ang final game sa ikaanim na sunod na losing season ng Lakers.
“I think this summer, with that other star coming in, whoever is going to bring him in, I think this team is really going to be in position to contend for a championship with the growth of the young players,” ani Johnson.
Wala pang pahayag ang Los Angeles tungkol sa magiging kapalaran ni head coach Luke Walton, nauna nang planong sibakin ni Johnson.
- Latest
