11-championship na si Reavis
MANILA, Philippines — Wala nang pagsidlan ngayon sa kanyang dala-wang kamay ang bilang ng kampeonato ng beteranong sentro na si Rafi Reavis matapos ang tagumpay ng Magnolia sa 2018 Philippine Basketball Association (PBA) Governors’ Cup na nagkaloob sa kanya ng kanyang ika-11 titulo.
Sa edad na 41-anyos, si Reavis na ngayon ang may pinakamaraming singsing sa lahat ng aktibong manlalaro dahil nalagpasan niya na ang 10 titulo ni Yancy De Ocampo ng San Miguel.
“It’s a great accomplishment but sometimes records are always meant to be broken and achieved by others,” aniya. “So, I’m glad to be able to share that with a bunch of new guys and some familiar faces.”
Simula nang ma-draft bilang second overall pick noong 2002, nagwagi ng dalawang titulo si Reavis sa Coca Cola, dalawa rin sa Ginebra at ngayon ay nakapito na siya sa Magnolia (Purefoods) kabilang na ang grandslam noong 2014.
- Latest
