Watson pinayagan ng Painters na umuwi

MANILA, Philippines — Lalong numipis ang frontcourt ng Rain or Shine sa pagsagupa sa NLEX sa pagtatapos ng ka­nilang kampanya sa 2018 PBA Governors’ Cup ngayon.

Ito ay dahil sa maagang pag-alis ni import Terrence Watson pabalik sa Amerika para sa perso­nal na dahilan.

Ayon kay Elasto Pain­ters coach Caloy Garcia, pinayagan na nilang umalis si Watson upang samahan ang asawa na na­nganak kamakailan.

Nagrehistro si Watson ng mga averages na 15.75 points, 11.88 rebounds at 1.88 assists sa walong laro para sa Rain or Shine na nagresulta sa kanilang 2-6 kartada.

May kabuuang 2-8 baraha ngayon ang Elasto Painters at tanggal na sa kontensyon ngunit su­subok pa rin na makasuk­bit ng panalo kahit pa la­long naging pilay ang ka­nilang line-up.

Dumagdag kasi si Wat­son kina Beau Belga at Raymond Almazan na hindi naglalaro sa Rain or Shine.

Nagtamo ng plantar fas­citis na injury si Belga, habang si Almazan ay isi­silbi ang kanyang suspensyon sa natitirang bahagi ng torneo.

Magbabalik sina Belga at Almazan sa Rain or Shine sa susunod na sea­son.