Manila Bay Sea Sports Festival magsisimula na ang registration

MANILA, Philippines - Maaari nang magparehistro ang mga nais lumahok sa 2017 Manila Bay Sea Sports Festival sa Manila Broadcasting Company (MBC) sa Sotto St., Star City Complex, Roxas Blvd., Pasay City. simula bukas.

Itatampok sa proyektong ito ng MBC at ng Lungsod ng Maynila sa pakikipagtulungan ng Philippine Coast Guard na gaganapin sa Marso 18-19, ang mga koponang pinaghalong lalaki at babae sa dragonboat race at mga batikang bangkero mula sa iba’t ibang bahagi ng kapuluan.

Mahigit kalahating milyong piso ang nakalaang premyo sa iba’t ibang karera kung saan matutunghayan ng mga manonood ang bilis at lakas ng mga atletang pandagat.

Hanggang 32 kalahok lamang ang tatanggapin sa stock at formula races na tinaguriang ‘bancathon.’

Ang mga interesadong sumali ay maaaring tumawag kay Lida Aquino sa cel. no. 0915-2427426.

Ang pagpaparehistro ay first-com-first-serve basis.