Roach hindi kakabahan kay Bradley

MANILA, Philippines – Paulit-ulit na sasabihin ni Freddie Roach, ang chief trainer ni Manny Pacquiao, na walang pag­babagong ipapakita si Ti­mothy Bradley, Jr. sa Abril 9.

Ito ay sa kabila ng pag­hugot ni Bradley kay Teddy Atlas bilang bago ni­yang trainer kapalit ni Joel Diaz.

“Well, I don’t think Teddy Atlas brought anything out of him,” sabi ni Roach kay Bradley sa panayam ng Boxing Insi­der.

Muling maglalaban ang 37-anyos na si Pacquiao at ang 33-anyos na si Bradley sa ikatlong pag­kakataon sa MGM Grand sa Las Vega.

Tinalo ni Bradley si Pac­quiao sa pamamagitan ng kontrobersyal na split decision win noong Hun­yo ng 2012.

Matapos ang dala­wang taon ay niresbakan na­man ni ‘Pacman’ si Brad­ley sa kanilang rematch.

Nanggaling si Pacquiao sa unanimous decision los skay Floyd Mayweather, Jr. noong Mayo, habang umiskor naman si Bradley ng ninth-round TKO victory kay Brandon Rios.

Sinabi ni Bob Arum ng Top Rank promotions na ibang Bradley ang makakasagupa ng Filipino world eight-division champion.

“I thought he fought an opponent (Rios) who’s fat and out of shape. I mean, you can’t really judge him on that fight,” wika ni Roach kay Bradley.