Cotto pinakitaan ni Alvarez

LAS VEGAS – Si Miguel Cotto ang isa sa pinakamahusay na fighters sa buong mundo sa nakaraang isa at kalahating dekada, habang ipinapakita pa lamang ni Canelo Alvarez ang kanyang talento.

Sa harap ng mga fans sa Mandalay Bay Events Center, tinalo ni Alvarez si Cotto para kunin ang linear middleweight championship para sa posibleng championship fight nila ni Gennady Golovkin.

“I’ll fight him right now,” sabi ni Alvarez kay Golovkin, ang kasalukuyang WBA, IBF at interim WBC champion.

Tinanggal ng WBC kay Cotto ang middleweight title nito makaraang tumangging bayaran ang $300,000 sanctioning fee para sa upakan nila ni Alvarez.

Dinomina ng 23-anyos na si Alvarez ang 34-anyos na si Cotto via unanimous decision, 119-109, 118-110 at 117-111.

Nakapagtala si Cotto ng 629 punches kumpara sa 48 ni Alvarez.

Ngunit mas malalakas ang mga pinakawalang right hands, uppercuts at hooks ni Alvarez laban kay Cotto.

Sa CompuBox statistics ay naglista si Alvarez ng 118 sa kanyang 298 power shots, habang may 75-of-255 si Cotto.

Handa naman si Golovkin na laba-nan si Alvarez para sa kanilang champonship fight.

“I’m ready for this, me and Canelo,” sabi ni Golovkin kay Alvarez. “Let’s do it.”