Elasto Painters nakisosyo sa liderato
MANILA, Philippines – Sabik na sabik nang makabawi ang Elasto Painters buhat sa isang masakit na pagkatalo noong nakaraang linggo.
Humugot si guard Jericho Cruz ng 14 sa kanyang career-high na 23 points sa third period para tulungan ang Rain or Shine sa 103-81 paggupo sa Blackwater at makisalo sa liderato ng 2015 PBA Philippine Cup kagabi sa Cuneta Astrodome sa Pasay City.
“I guess we were really excited to get back to playing again after our heartbreak loss,” sabi ni coach Yeng Guiao sa Elasto Painters na nakatikim ng 111-113 kabiguan sa Globalport Batang Pier noong nakaraang linggo.
Mula sa eight-point lead sa halftime ay pinalobo ng Rain or Shine ang kanilang kalamangan sa Blackwater, nalasap ang ikalawang sunod na kamalasan, sa 19 puntos, 80-61, sa pagtatapos ng third period.
Sapat na ito para makabalik sa kanilang winning form ang Elasto Painters, nakahugot ng 15 points kay Jewel Ponferrada kasunod ang 12 ni Beau Belga at 11 ni JR Quiñahan.
Sa ikalawang laro, tinalo ng Meralco ang Star, 87-83.
RAIN OR SHINE 103 – Cruz 23, Ponferrada 15, Belga 12, Quiñahan 11, Ahanmisi 8, Almazan 8, Teng 6, Tiu 6, Matias 5, Nimes 4, Chan 3, Trollano 2, Ibañes 0, Norwood 0.
Blackwater 81 – Dela Cruz 15, Erram 14, Cervantes 9, Lastimosa 7, Gamalinda 6, Melano 6, Cortez 5, Ballesteros 4, Golla 4, Reyes 4, Sena 3, Agovida 2, Vosotros 2, Canada 0.
Quarterscores: 25-16; 47-39; 80-61; 103-81.
- Latest
