Barako nalo sa mahindra

MANILA, Philippines - Walang nagawa sina LA Revilla at Karl Dehesa ng Mahindra sa fourth quarter kundi ang panoorin na lamang ang pagpapasabog ng 16 points ni Barako Bull point guard RR Garcia.

Tumapos si Garcia na may 26 points mula sa magandang 10-of-14 fieldgoal shooting para akayin ang Energy sa 93-85 panalo kontra sa Enforcers sa 2015 PBA Philippine Cup kagabi sa Alonte Sport Center sa Biñan, Laguna.

“I’m just thankful that we’re not playing against him,” sabi ni coach Koy Banal kay Garcia. “He’s very smart, he can do whatever your asking him to do. I like his skills.”

Nagdagdag naman si JC Intal ng 20 points para sa pangalawang dikit na panalo ng Barako Bull kasabay ng pagpigil sa tangkang back-to-back wins ng Mahindra.

Mula sa 10-point lead, 69-59 ng Energy sa pagtatapos ng third quarter ay nakadikit ang Enforcers sa 65-71. Nagpakawala si Garcia ng solong 7-0 bomba para muling ilayo ang Barako Bull, 78-65 sa 6:01 minuto na lamang.

Sa likod ni Yee ay mu-ling nakalapit ang Mahindra sa 81-88 agwat sa 1:40 minuto ng laro.

Ganap na sinelyuhan ni Garcia ang panalo ng Energy nang magsalpak ng isang three-point shot at dalawang free throws para sa 93-83 kalamangan sa natitirang 51.7 segundo.

Barako Bull 93 - Garcia 26, Intal 20, Wilson 11, Baracael 9, Pennisi 6, Monfort 5, Lanete 4, Miranda 3, Urbiztondo 3, Andrada 2, Caperal 2, Sorongon 2, Fortuna 0.

Mahindra 85 - Yee 17, Revilla 14, Jaime 9, Dehesa 7, Hubalde 6, Pascual 6, Ramos 6, Webb 6, Canaleta 5, Guinto 4, Alvarez 2, Laure 2, Bagatsing 1, Pinto 0.

Quarterscores: 22-18; 48-41; 69-59; 93-85.