St. Benilde, San Beda namuno sa NCAA table tennis event
MANILA, Philippines – Matagumpay na naipagtanggol ng St. Benilde at San Beda ang kanilang mga korona sa men’s at women’s division, ayon sa pagkakasunod, sa 91st NCAA table tennis tournament sa Arellano University Pasay City campus.
Pinamunuan ni Ryan Jacolo ang Blazers ni coach Rudolph Palermo para sa kanilang ikalawang sunod na titulo matapos tapusin ang five-year title rule ng Red Smashers noong nakaraang season.
Hinirang si Jacolo bilang MVP.
Iginiya naman ni 2014 MVP Beverly Paulim ang San Beda lady paddlers para sa kanilang ikaanim na sunod na pagrereyna.
Sa Powersmash Badminton Center sa Makati City, winalis naman ng St. Benilde ang mga kampeonato sa men’s, women’s at juniors event para dominahin ang badminton tournament.
Sina Lante Erickson Bautista, Alizandra Candelaria at James Candelario ang nagbida para sa St. Benilde kung saan sila hinirang na men’s, women’s at juniors MVP winners, ayon sa pagkakasunod.
- Latest
