Best of the Best Taekwondo Championships

MANILA, Philippines – Magkakaharap-harap ang mga mahuhusay na fighters sa 2015 SMART MVP Best of the Best Taekwondo Championships sa Sabado sa Robinsons Place, Manila.

Magpapanabong ang mga elite blackbelters mula sa 12 regions kabilang ang ARMM, CAR, CARAGA at NCR sa prestihiyosong event na ito, ayon kay tournament director Jesus Morales III.

Ang mga kalahok sa torneong ito ay mga gold medal winners sa national events tulad ng Luzon, Visayas at Mindanao tournaments, UAAP, NCAA, AFP-PNP Olympics at lahat ng Philippine Taekwondo Association competitions sa Metro Manila at iba’t ibang regions kabilang ang high-level blackbelt organizations gaya ng Taekwondo Blackbelt Brotherhood, Taekwondo Blackbelt Sorority at lahat ng national taekwondo team members.

Gagamitin sa event ang iba’t ibang taekwondo systems – PSS (Protective Scoring System), ESS (Electronic Scoring System), electronic armors and socks at IVR (Instant Video Replay) system para sa scoring na makikita sa monitor para maiwasan ang human error at magkaroon ng accurate, fair scoring at spectator-friendly matches.

Suportado ni Manuel V. Pangilinan, chairman ng SMART Communications at PLDT na solid patron ng Philippine Taekwondo ang event na ito na magsisimula sa alas-8:00 ng umaga.