Copeland dumagdag sa frontcourt ng bucks
MILWAUKEE – Pinapirma ng Bucks si free-agent forward Chris Copeland na nagdagdag ng beterano sa kanilang batang frontcourt pero hindi sinabi ni general manager John Hammond ang terms ng deal.
Ang 6-foot-8 na si Copeland ay lumaro ng da-lawang seasons sa Indiana at nag-average ng 6.2 points at 2.2 rebounds sa 50 games noong 2014-15.
Matapos ‘di makuha sa draft noong 2006, lumaro si Copeland sa overseas at sa NBA D-League bago nakapasok sa NBA sa New York noong 2012-13. Lumaro din si Bucks coach Jason Kidd sa naturang Knicks team.
Habang nasa Pacers, nasaksak si Copeland sa siko at tiyan sa labas ng isang New York nightclub ng madaling araw.
Humingi siya ng dispensa dahil nag-nightout pa siya at inumaga gayong may laro sila ng kinagabihan. Nakarekober na rin siya.
- Latest
