Kailangang mawala ang kumpiyansa ni Mayweather
MANILA, Philippines – Aniya, ang dinanas na limang kabiguan matapos ang 64 laban, ang nagpatibay kay Manny Pacquiao para matanggap ang anumang kapalaran na puwedeng danasin sa ibabaw ng kuwadradong lona.
“I don’t get discouraged anymore with a loss in boxing. I have taken the losses and have made myself a better fighter. It’s about building yourself up and turning yourself into a better fighter,” ani Pacquiao.
Hindi pa ito nalalasap ni Floyd Mayweather Jr. at ang takot na makatikim ng kauna-unahang kabiguan sa makulay na boxing career ang puwedeng pumasok sa isipan nito sa gabi ng laban.
Para mangyari ito, sinabi ng trainer na si Freddie Roach na dapat ay sa unang round pa lamang ay itatak na ni Pacman ang kanyang sarili upang alisan agad ng kumpiyansa si Mayweather.
“We have to win the first round and take Floyd out of his comfort zone,” wika ni Roach.
Balik-ensayo na sina Pacquiao at Mayweather at isasara na ni Roach ang Wild Card gym habang nagsasanay ang pambato ng bansa para hindi malaman ng kabilang kampo ang plano.
Sinabi ni Pacquiao na hindi siya kabado sa laban kay Mayweather sa May 2 sa MGM Grand sa Las Vegas, Nevada. “I was more worried about fight against (Oscar) De La Hoya, (Antonio) Margarito and (Miguel) Cotto),” wika ni Pacquiao. (AT)
- Latest
