Green Booters sumosyo sa fighting Maroons
Laro sa Huwebes
(FEU-Diliman pitch)
1 p.m. – AdU vs NU (men)
3 p.m. – FEU vs UP (men)
MANILA, Philippines – Nakuntento sa 1-1 draw ang De La Salle University laban sa karibal na Ateneo De Manila University para makisosyo sa liderato ng UAAP Season 77 men’s football tournament kahapon sa FEU-Diliman pitch.
Umiskor ng goal si Yoshiharu Koizumi sa pang-74 minuto para itabla ang Green Booters sa Blue Eagles.
Nauna nang kumonekta ng puntos si Julian Roxas sa ika-55 minuto para sa Ateneo.
Kapwa may magkaparehong 20 points ang Green Booters at ang UP Maroons para magsalo sa liderato kasunod ang Blue Eagles (18 points).
Dinurog naman ng nagdedepensang Far Eastern University ang Adamson University, 6-0, mula sa pamumuno ni Eric Giganto.
Sa women’s play, nakipag-draw ang titleholder na FEU sa La Salle, 1-1, para sa kanilang league-best na 13 points.
Sumandal naman ang UP sa goal ni Kali Huff para sa kanilang 1-1 standoff ng Ateneo at manatiling hawak ang pangalawang puwesto sa kanilang dinadalang 10 points sa torneo.
- Latest
