Floyd pinabulaanan ang report ng TMZ

MANILA, Philippines – Mariing pinabulaanan ni American boxing superstar Floyd Mayweather Jr. ang isang ulat ng TMZ na ka­sado na ang kanilang super fight ni Filipino bo­xing icon Manny Pacquiao sa Mayo 2 sa MGM Grand sa Las Vegas, Ne­va­da.

Sa isa niyang Instagram post, sinabi ni May­wea­ther na hindi totoo ang naturang TMZ report.

“Laying back, rela­xing, enjoying good wea­ther, palm trees and piña coladas,” sabi ni Maywea­ther sa caption ng kanyang larawan habang nakahiga sa isang duyan sa Jamaica.

“While they continue to lie about making the fight, I’m just going to continue to travel and ex­plore the world on my private jet,.”

Inilagay din ni May­wea­ther ang hashtag na “Fight Not Made Yet.”

Sa TMZ report kama­kailan, ibinunyag nito ang pagkakaplantsa ng banggaan nina Pacquiao at May­weather.

Ito, ayon sa TMZ, ay mu­la sa kanilang ‘multi­ple sources’.

Kaagad namang pinasinungalingan nina Bob Arum ng Top Rank Promotions at Showtime exe­cutive Stephen Espinoza ang nasabing ulat.

Sinabi nina Arum at Es­pinoza na may ilan pang bagay na kailangang ayu­sin bago ang pormal na paghahayag ng Pacquiao-Mayweather mega showdown.

“This deal is not close to being done – and every­one involved knows that,” wika ni Espinoza.