Garcia, Le Tour sa PSA Forum

MANILA, Philippines – Si Philippine Sports Commission (PSC) chairman Richie Garcia at mga opisyales ng Le Tour de Filipinas ang magiging bi-sita sa final session sa taong 2014 ng Philippine Sportswriters Association (PSA) Forum sa Shakey’s Malate.

Ilalahad ni Garcia ang mga nangyari sa Philippine sports sa 2014 sa public sports program na isinasaere nang live sa DZSR Sports Radio 918 at inihahandog ng Philippine Amusement and Gaming Corp., Shakey’s at Accel.

Makakasama ng PSC chairman ngayong alas-10:30 ng umagang sesyon sina Donna Lina-Flavier, ang presidente ng race organizer na Ube Media at race manager Paquito Rivas na tatalakay sa sixth edition ng Le Tour na nakatakda sa Pebrero 1-4, 2015.