Shooting ni Curry bumalik na sa dati

MIAMI – Nagwakas na ang saglit na kamalasan ni Stephen Curry sa kanyang outside shooting.

Umiskor si Curry ng 40 points mula sa 11-of-18 fieldgoal shooting, tampok ang 8-of-11 clip sa 3-point range nang talunin ng Golden State Warriors ang Miami Heat, 114-97  para sa kanilang pang-anim na sunod na ratsada.

“You just feel a rhythm,’’ sabi ni Curry, nagtala ng 8-for-24 shooting sa nakaraan niyang dalawang laro. “I had guys set some great screens early to kind of get me going. You start finding shots and it feels good. Even the ones I missed terribly felt good, which is pretty funny.’’

Nagdagdag si Klay Thompson ng 24 points para sa Warriors.

“You always stay confident, stay ready,’’ wika ni Curry. “You win games all sorts of ways with different individual performances. How we shot last game had no-thing to do with this game. If we execute our offense well, you’re going to get good shots.’’

Umiskor ang Golden State ng 14 sunod na puntos para kunin ang 107-95 abante sa huling 2:50 minuto ng fourth quarter.

Tinampukan ito ng magkakasunod na tres nina Curry at Thompson.

Sa Denver, nagposte si Ty Lawson ng 20 points, kasama dito ang isang key jumper sa hu-ling mga segundo ng laro para igiya ang Nuggets sa 114-109 panalo laban sa Chicago Bulls.

Ito ang pang-limang sunod na panalo ng Denver.

Nag-ambag si Arron Afflalo ng 19 points kasunod ang 15 ni Danilo Gallinari para sa Nuggets, naipanalo ang anim sa huli nilang pitong laro matapos ang 1-6 start.

“Nobody likes to lose,’’ sabi ni Lawson. “I feel like we had a late start ... but it feels good to get back in the mix and be playing for something.’’

Nalimitahan si Bulls point guard Derrick Rose sa 10 minuto sa kanyang ikalawang paglalaro matapos magkaroon ng left hamstring strain.

Tumapos si Rose na may 18 points para sa Chicago.