Dismayado si Roach sa ipinakita ni Algieri
MANILA, Philippines - Dismayado naman si Freddie Roach sa ipinakita ni Chris Algieri at sa tingin niya ay hindi talaga niya binalak na makipagsabayan kay Manny Pacquiao na habol nang habol sa kanya sa loob ng ring.
“I’m disappointed with Chris. He didn’t fight Manny the way he fought Ruslan (Provodnikov),” sabi ng chief trainer ni Pacquiao.
Isang linggo bago ang laban nina Pacquiao at Algieri ay sinasabi palagi ni Roach na mana-knockout ni Pacquiao ang dating undefeated American Boxer.
Sa kumpiyansa niyang mana-knockout ni Pacquiao si Algieri ay tahasan niyang sinabi na magagawa ito ni Pacquiao sa loob lamang ng limang rounds.
Hindi ito nangyari dahil walang ginawa si Pacquiao kungdi habulin nang habulin si Algieri sa loob ng ring.
“We went for the knockout. But the kid ran a little bit too much,” ani Roach.
Sa pagkakataong ito, hindi nanakawan ng panalo si Pacquiao ngunit nanakawan siya ng knockout.
- Latest
