Umali, Roque sa PSA Forum

MANILA, Philippines – Papagitna ang school sports ngayong umaga sa Philippine Sportswriters Association (PSA) Forum sa Shakey’s Malate.

Pangungunahan ni Department of Education Assistant Secretary Tonisito Umali ang mga bisita sa pang-alas-10:30 ng umagang sesyon para talakayin ang pamamahala ng bansa sa Southeast Asian School Sports sa susunod na linggo.

Makakasama ni Umali sa public sports program na isinasaere nang live sa DZSR Sports Radio 918 at inihahandog ng Philippine Amusement and Gaming Corp., Shakey’s at Accel si UAAP secretary-treasurer Rodrigo Roque.

Ilalahad ni Roque, ang athletic director ng host school University of the East, ang second semester program ng liga bukod sa implementasyon ng K+12 curriculum.