Adornado interesado rin sa Phl Team
MANILA, Philippines - Matapos ang kanyang pagreretiro noong 1980s ay hinangad ni William “Bogs” Adornado, kagaya nina dating national teammate at kapwa great player Robert Jaworski, na ma-ging bahagi ng coaching staff ng national team.
“Dyan ako unang nakilala, and it would really be great to be a part of it and have the opportunity to give something back to the sport that we all love,” sabi ni Adornado.
“I think I can help even as a skills or shooting coach,” dagdag pa nito.
Sinabi ni Adornado, ang top gun ng Philippine team sa mga sinalihang international championships noong 1970s, na natutuwa siya sa pag-aalok ng tulong ng mga dating elite national players sa national team.
“You can’t go wrong with these people. They’ve been there, they know the atmosphere, they know the competition. Look at China, Korea and even Iran, they’re tapping former national players,” wika ni Adornado.
“In our time, we had in our team Caloy Loyzaga as the assistant coach. How can you question his knowledge of the game. There were many others who played the same role in our time, and they’re really of big help,” dagdag pa nito.
Ayon kay Adornado, sinusundan niya ang mga laro ng Gilas Pilipinas.
Si Adornado ang gumiya sa national team sa title run noong 1973 ABC Championship at sa 13th place finish noong 1974 World Championship kung saan siya napasama sa Top 10 scorers.
Sinabi ni Jaworski, ang coach ng Philippine team na nag-uwi ng silver medal noong 1990 Beijing Asian Games, na ikasisiya niya kung mapipili siya sa national coaching staff.
Ilan sa mga gustong irekomenda ni PBA commissioner Chito Salud bilang bagong coach ng Gilas ay sina Norman Black, Tim Cone, Jong Uichico, Yeng Guiao at Tab Baldwin.
- Latest
