Jazz pinangunahan ni Burke

PORTLAND, Ore. -- Naglista si Trey Burke ng 22 points at 7 assists nang talunin ng Utah Jazz ang Portland, 109-105 para sa kanilang ikalawang sunod na preseason victory kontra sa Trail Blazers.

Umiskor si Alec Burks ng 20 points para sa Jazz, tinalo rin ang Blazers, 92-73 sa preseason opener noong Martes sa Utah.

Kumayod si LaMarcus Aldridge ng 22 points at 6 rebounds para sa Portland.

Hindi naglaro si Blazers guard Damian Lillard dahil sa left ankle strain.