Fil-foreign players interesadong pumasok sa Gilas program

MANILA, Philippines – Nakakuha ng atensyon mula sa mga Fil-foreign teenagers sa buong mundo ang nakaraang paglahok ng Pilipinas sa FIBA World U17 sa Dubai, sa FIBA Asia U18 sa Doha at sa FIBA World Cup sa Spain at nais nilang mapasama sa Gilas program.

“We’ve opened the eyes of a lot of kids who want to be part of our program,” sabi ni SBP deputy executive director for international affairs Butch Antonio.  “We’re aware of the FIBA rule that requires dual citizenship players to obtain their passports before they turn 16.  So we’re reaching out to Filipino communities everywhere to inform us if there are 12, 13, 14 and 15-year-old players with the potential to join the Gilas pool.  The U17 and U18 teams will provide the feeder system for our elite program.”

Sinabi rin ni Antonio na ang adjustment sa school calendar ang mangangahulugan ng pagkaantala sa pagsisimula ng mga major collegiate seasons sa Setyembre.

Dahil dito ay maaari nang sumali ang mga UAAP at NCAA stars sa national U17 at U18 teams nang hindi isinasakripisyo ang kanilang pag-aaral.

“If the adjustment happens, it will clear practice time for the collegiate players in the Gilas pool,” wika ni Antonio.  “From what we showed in Dubai and Doha, we’re definitely a top three team in Asia.  Media picked up on our showing and parents of Fil-foreign players began to realize we’ve got a solid basketball program.”

Ang dalawang Fil-foreign prospects na tinututukan ng SBP ay sina 6-7, at 14-anyos na si A. J. Edu, isang Fil-Nigerian na naninirahan sa Wales at ang 6’5 at 12-anyos na si Fil-Australian Ethan Kirkness na ang ina ay tubong Dumaguete.

Ayon kay logistics director Andrew Teh, nanga-ngalaga sa mga players sa age-group competitions na angkop si coach Jamike Jarin para sa trabaho.

“He’s like a father to the kids,” wika ni Teh.  “Jamike knows how to inspire the boys.  A lot of discipline is involved in dealing with U17 and U18 boys.  You just don’t get angry when things go wrong. There’s a way to bring out the best in the kids and Jamike knows how.”

Sa Dubai sa FIBA World U17 tournament, natalo ang koponan sa Angola, 82-72, Greece, 85-65, US, 124-64, France, 86-57, Argentina, 84-71 at sa Egypt, 92-67, bago talunin ang host United Arab Emirates, 115-51.

Nagposte ang tropa ng 1-6 record at tumapos bilang ika-15 mula sa 16 na lumahok.

Sa Doha sa FIBA Asia U18 Championships, natalo sa unang laro ang Pinas ngunit nanalo sa South Korea, 87-69, panalo sa Qatar, 82-79, yumukod sa China, 91-49, nakatakas sa Malaysia, 72-69, talo sa Chinese-Taipei, 90-86, tagumpay sa Kazakhstan, 86-74, at lumusot sa Japan, 113-105, sa overtime para sa 5th place finish.