Gilas foreign coaches kinuha ni MVP
MADRID – Sa kanilang panalo sa Senegal sa 2014 FIBA World Cup ay partikular na hiniling ni Gilas Pilipinas head coach Chot Reyes na maupo sa kanyang tabi si team consultant Natxo Lezkano.
Sinabi ni Reyes na alam ni Lezkano ang laro ng Senegal kumpara kay team consultant Tab Baldwin.
“That’s what we specifically asked from Lezkano – to help us against Senegal. He’s the national coach of Ivory Coast and he knows Senegal very well,” wika ni Reyes kay Lezkano.
Si Lezkano ang coach ng Ivory Coast national team na sumabak sa nakaraang FIBA Afro Championship.
Plano ni Samahang Basketbol ng Pilipinas pre-sident Manny V. Pangilinan na kunin si Lezkano para tulungan ang Ateneo Blue Eagles sa UAAP o ang San Beda Red Lions sa NCAA na parehong sinusuportahan ni MVP.
Si Baldwin naman ang patutulungin ni Pa-ngilinan kay coach Jong Uichico sa Talk ‘N Text bench sa darating na 40th season ng PBA.
Tatapusin muna ni Baldwin ang kanyang trabaho sa New Zealand bago lumipat sa Tropang Texters.
Ang Jacksonville, Florida native ay humawak sa mga koponan ng New Zealand, Malaysia, Jordan at Lebanon at tumulong sa Gilas Pilipinas sa second-place finish noong 2013 FIBA Asia Championship.
Hindi naupo si Baldwin sa bench ng Gilas sa tatlong laro sa World Cup.
Subalit sa kanilang banggaan ng Puerto Rico ay hiniling ni Reyes na tulungan siya ni Baldwin.
- Latest
