Tigers tinakasan naman ang Falcons Eagles bigo sa Bulldogs

MANILA, Philippines - Bumangon ang National University sa una ni­lang kabiguan para pigilin ang tatlong sunod na ratsada ng Ateneo De Mani­la University.

Ipinoste ng Bulldogs ang 64-60 panalo kontra sa Blue Eagles sa elimination round ng 77th UAAP men’s basketball tournament kahapon sa Mall of Asia Arena sa Pasay City.

Umiskor si Troy Rosa­rio ng 16 points, habang nag­dagdag ng 10 si Adven Diputado para sa NU.

Ayon kay head coach Eric Altamirano, may sa­rili nang ‘identity’ ang Bulldogs matapos ang pag­­­kawala ni two-time UAAP MVP Bobby Ray Parks, Jr.

“Tulad ng sabi ko, ‘yung identity ng team is relying on not only one person but really a collec­tive effort. At ipinakita ni­la ngayon, especially the bench players,” ani Al­ta­mirano.

Ang free throws ni Alfred Aroga ang nagbigay sa NU ng 62-56 kalama­ngan kontra sa Ateneo sa nalalabing 28.5 segundo sa fourth quarter.

Kumamada si rookie Arvin Tolentino ng 17 mar­kers sa panig ng Blue Eagles kasunod ang 13 ni Kiefer Ravena.

Sa unang laro, tumipa si Kent Lao ng isang free throw sa huling 1.1 segundo para tulungan ang  Uni­versity of Sto. Tomas sa 50-49 panalo laban sa Adamson University.

Bumawi ang Tigers mu­la sa isang nine-point de­ficit, 33-42, sa third pe­riod para balikan ang Falcons.

Tumipa si Louie Vigil ng 11 points para sa UST kasunod ang 10 ni Kevin Ferrer at tumapos si Lao na may 4 markers.

Samantala, itataya ng Red Warriors ang ka­nilang malinis na baraha sa pagsagupa sa Green Ar­chers ngayong alas-4 ng hapon sa MOA Arena.

Hangad naman ng La Salle ang kanilang ikala­wang sunod na panalo ma­tapos ang 0-2 panimula sa torneo.

Nanggaling ang La Salle sa 57-55 panalo kon­tra sa NU noong Miyer­kules.

UST 50 – Vigil 11, Ferrer 10, Abdul 8, Mariano 7, Sheriff 4, Lao 4, Subido 2, Lo 2, Gayosa 2, Dela Cruz 0, Pe 0, Sablan 0, Macasaet 0.

Adamson 49 – Pedrosa 10, Nalos 9, Iñigo 7, Rios 6, Villanueva 5, Ochea 4, Aquino 3, Monteclaro 3, Bay­tan 2, Butron 0.

Quarterscores: 13-17; 27-32; 40-45; 50-49.

NU 64 – Rosario 16, Di­putado 10, Aroga 9, Kho­buntin 8, Alolino 6, Javelona 5, Betayene 4, Atangan 2, Celda 2, Alejandro 1, Ney­pes 0.

Ateneo 60 – A. Tolentino 17, K. Ravena 13, Gotladera 7, Pessumal 7, Elorde 6, Newsome 6, Porter 2, Lim 2, Capacio 0, Babilonia 0.

Quarterscores: 15-15; 33-31; 49-43; 64-60.