Cignal pinayukod ang Systema
CEBU, Philippines -- Namayani si Cebuano hotshot Mike Abria sa fourth set para igiya ang Cignal sa 21-25, 25-19, 25-23, 25-23 panalo laban sa Systema sa 2014 PLDT Home-Philippine Superliga (PSL) All-Filipino Conference volleyball tournament kahapon dito sa University of San Carlos gym.
Nagposte si Abria ng 11 points para sa ikaapat na panalo ng HD Spikers sa anim na asignatura sa men’s division ng inter-club tournament na suportado ng official airline na AirAsia katuwang ang Gilligan’s Restaurant, Healthway Medical, PLDT Home DSL, Cignal, Solar Sports, Mikasa, Asics, Mueller, LGR, Petron, Bench at Generika.
Humataw naman si Howard Mojica ng 15 kills para sa kanyang 18 points, habang nagdagdag sina Edmar Sanchez at Jay Dela Cruz ng 12 at 10 markers sa Cignal.
- Latest
