Miami kailangang gumawa ng‘himala’ para makuha ang 3-peat

MIAMI – Nakagawa na ng ‘himala’ si LeBron James at ang Miami Heat sa NBA Finals.

Ngunit ngayon ay ka­ilangan ng Heat na guma­wa ng isang espesyal na pag­bangon na hindi pa nangyayari sa kasaysayan ng NBA Finals.

Natalo ang Heat sa San Antonio Spurs, 86-107, sa Game 4 noong Hu­webes na nagbaon sa ka­nila sa 1-3 sa best-of-se­ven championship series.

“We put ourselves in po­sition where it is about ma­king history,” wika ni James matapos ang ka­nilang pagkatalo.

Kailangan ng Miami na manalo ng tatlong sunod para makamit ang three-peat cham­pionship.

Ang dalawa dito ay ga­gawin sa San Antonio si­mula sa Linggo sa Game Five.

Taglay ng Spurs ang 10-2 record sa San Anto­nio sa postseason kung sa­an ang isa ay ipinalasap sa kanila ng Heat sa Game 2.

“I do know the numbers,” sabi ni James. “It’s ne­ver been done before. But we’re still a confident bunch.”

Iniisip si Michael Jordan, pamilyar si Hall of Fa­mer Charles Barkley sa ki­nakaharap na panganib ng Miami.

Noong 1993, naiwan si Barkley at ang Phoenix Suns sa 1-3 sa kamay ni Jordan at ng Chicago Bulls.

Inangkin ng Suns ang Game 5 sa Chicago mula sa kanilang 108-98 panalo para sa 2-3 agwat.

Ngunit naipanalo ng Bulls ang Game 6 sa Phoenix para tapusin ang ka­nilang serye.

“Daunting? They have to win two games in San An­tonio,” sabi ni Barkley. “That’s over daunting. Daun­ting is not the right word. The right word is im­possible. I don’t see them coming back. The rea­son I don’t think they have a chance is because these games haven’t been close. It ain’t like there have been one or two plays where you say the Heat can make an adjustment here or there.”