Spurs tatapusin ang Thunder

OKLAHOMA CITY -- Angat ang San Antonio Spurs sa Oklahoma Ci­ty Thunder sa 3-2 at may tsansang tapusin ang ka­­nilang Western Confe­rence finals series sa Game 6.

Matapos kunin ang 2-0 bentahe ay isinuko ng Spurs sa Thunder ang Games 3 at 4 na nagtabla sa kanilang best-of-seven series sa 2-2.

Kasabay ng banggaan ng San Antonio at Okla­ho­ma City sa basketball court ay ang labanan naman sa estratehiya nina coaches Gregg Popovich at Scott Brook sa bench.

Sinabi ni Thunder for­ward Kevin Durant na ba­­gama’t mahalaga ang lineup changes ay panga­lawa lamang ito sa inila­laro ng mga players.

Ayon kay Durant, wa­lang intensidad na naki­ta sa Oklahoma City sa ka­nilang kabiguan sa Game 5.

“Schemes and Xs and Os, it all goes out the door,’’ ani Durant. “We’ve just got to play harder. They did last game, so we’ve got to match up.’’