3-sunod sa SMBeermen

MANILA, Philippines - Kinailangan pa ng San Miguel Beer ng extra five-minute period para angkinin ang kanilang ikatlong sunod na pananalasa.

Umiskor si NBA vete-ran Reggie Williams ng 33 points, tampok dito ang 5-of-9 shooting sa three-point line, para itawid ang 115-112 overtime victory ng Beermen kontra sa Barako Bull Energy Cola sa 2014 PBA Governors’ Cup kagabi sa Alonte Sports Arena sa Biñan, Laguna.

“It feels good to get a couple of wins,” sabi ni American active consultant Todd Purves. “Barako’s well coached and they also grinded it out tonight.”

Dinala ni rookie guard Jeric Fortuna ang Energy Cola sa extra period, 103-103, matapos isalpak ang isang jumper.

Matapos idikit nina Buenafe, Mic Pennisi at rookie center Jason Deutchman ang Energy Cola sa 112-115 sa natitirang 42 segundo ay naimintis naman ni Fortuna ang panablang tres sa pagtunog ng final buzzer.

Samantala, ipinatawag ngayon ni PBA Commissioner Chito Salud si Marc Pingris ng San Mig Coffee dahil sa panununtok nito sa likod ni Meralco forward James Sena sa 108-90 panalo ng Mixers noong Martes. (RCadayona)

SAN MIGUEL BEER 115 - Williams 33, Fajardo 26, Ross 10, Santos 10, Mercado 9, Lutz 8, Tubid 7, Maierhofer 4, Chua 4, Kramer 2, Lanete 2.

BARAKO 112 - Wise 33, Pennisi 20, Najorda 12, Buenafe 10, Fortuna 10, Jensen 8, Marcelo 6, Lastimosa 4, Wilson 2, Isip 2, Miller 2, Intal 2.

Quarterscores: 32-26, 58-54, 80-78, 103-103, 115-112.