Toyota vios cup sa PSA

MANILA, Philippines - Bibisita ang ilang riders na kalahok sa darating na Toyota Vios Cup kasama ang mga celebrity personalities sa lingguhang Philippine Sportswriters Association (PSA) Forum ngayon sa Shakey’s Malate.

Dadalo sina actress Rhian Ramos, television host at model Phoem Baranda at Inaki Araneta sa public sports program na isinasaere sa DZSR Sports Radio 918 at inihahandog ng Shakey’s, Accel at ng Philippine Amusement and Gaming Corporation (PAGCOR).

Ang Toyota Vios Cup ay nakatakda sa Mayo 24 sa Clark International Speedway sa Pampanga.

Hinihikayat ni PSA president Jun Lomibao ng Business Mirror ang lahat ng miyembro na dumalo sa pang-alas-10:30 ng umagang sesyon.

Ang pinakamatandang media organization sa bansa ay maaaring bisitahin sa official website na www.psamedia.ph.