Guiao, Hodge ipapatawag ng PBA

MANILA, Philippines - Nakatakdang ipatawag ngayong araw ni PBA Com­missioner Chito Salud sina Rain or Shine head coach Yeng Guiao at Meralco power forward Cliff Hodge.

Ito ay dahilan sa nangyaring pagkompronta ni Guiao kay Hodge matapos ang 102-93 panalo ng Elas­to Painters sa Bolts sa kanilang best-of-three quarterfi­nals series para sa 2014 PBA Commissioner’s Cup no­ong Miyerkules sa Smart-Araneta Coliseum.

Ang pag-iinit ni Guiao kay Hodge ay dahil sa pana­napak ng Fil-Am kay Rain or Shine rookie Raymond Al­mazan sa rebound play sa dulo ng laro.

Sinasabing tinawag ni Guiao si Hodge na ‘Mongo­loid” sa kanilang komprontasyon na napigilan ng mga opis­yales.

“Name-calling and the use of insulting language will have consequences,” sabi ni Salud kahapon.

Maaaring patawan ng multa si Guiao, samantalang posibleng itaas sa Flagrant Foul 1 ang naunang iti­na­wag na regular foul ni Hodge kay Almazan.

“A foul was called, but in my mind, that could’ve ea­sily been reviewable for flagrant,” ani Salud.