Bago City, ALA gym co-champs
MAASIN City, Leyte, Philippines - Naghati sa karangalan ang Bago City at ang ALA Gym matapos hirangin bilang co-champions ng PLDT-ABAP Visayas Area Boxing Championships noong Linggo sa Maasin City gym.
Kumuha ang Bago City at ang ALA Gym ng tig-tatlong gold medals, tig-isang silver at tig-isang bronze medal sa torneo.
Ipinagkait ng Bago City ang overall title sa ALA Gym matapos ang panalo ni Jasper Montano kontra kay ALA Gym bet Vicente Casido sa Youth Boys Lightweight division.
Kumonekta si Montano ng kaliwa sa mukha ni Casido sa first round para sa kanyang 3-0 dominasyon.
Ang dalawa pang nagbigay ng ginto para sa Bago City ay sina Cresan Paul Diacamos, ginulat si 2013 national gold me-dalist Junrel Jimenez ng Cebu City, 2-1, sa Youth Boys Flyweight category, at Mario Jaga Jr., umiskor ng isang TKO win sa first round kontra kay local boy Marlon Samblaceno ng Maasin City sa Jr. Boys Light Bantamweight gold.
Nagkampeon naman si Jeffrey Estella sa Jr. Boys Bantamweight, habang si Kenneth Paul Gentallan ang nanaig sa Youth Boys Flyweight at pinamahalaan ni Kevin Jake Cataraja ang Youth Boys Bantamweight division para sa ALA Gym.
- Latest
