Marion nagka-injury sa balikat

DALLAS -- Nilisan ni Dallas Mavericks forward Shawn Marion ang kanilang laro laban sa Los Angeles Lakers na may gasgas sa kanang balikat.

Bumagsak si Marion sa sahig bago ang halftime at hindi kaagad nakatayo sa ilalim ng Los Angeles basket kasabay ng slam dunk ni Jordan Hill ng Lakers.

Sinabi ng Mavericks matapos ang halftime na hindi na makakabalik si Marion sa laro.

Si Marion ay may ankle at Achilles injury.

Nahulog sa sahig si Marion matapos silang magkabuhol ni Pau Gasol at napatid ng kanyang kakamping si Dirk Nowitzki.

Kaagad siyang sinaklolohan ng kanilang mga trainers sa court at inakay papunta sa locker room habang papalabas sa court habang  hinahaplos niya ang bahagi ng kanyang kanang balikat at namimilipit sa sakit.