‘Sports Chat’ sa DWBR 104.3FM

MANILA, Philippines - Mas magiging malawak at malaman ang top sports AM radio show ‘Sports Chat’ na una nang napapakinggan sa Sports Radio 918kHz.

 Mamayang gabi ay ilulunsad na ang FM version ng show at regular na maririnig tuwing Martes at Huwebes, alas-9-10 ng gabi sa DWBR 104.3 FM.

 Ibig sabihin nito, saan man  naroroon ay maa-ring makinig sa pinakabagong sports balita at interviews sa pamamagitan ng FM application ng inyong cellphone.

 Ang FM format ng show ay tatalakay hindi lamang sa mga scores at highlight ng sports kungdi maging mga non-sports stories ng bawat atleta partikular ang mga negosyo nito at ang mga kwento na hindi nakikita sa statistics ng kanilang nilalaro.

Kasama din sa show si top analyst Atty. Ed Tolentino na magbibigay ng kaniyang opinyon ukol sa pinakamalaking event ng sports.